08.12.2024

Chennai

AWFTP-PR-201-D18

chairman.awftp@gmail.com

Helpline: 9 487 487 000

 

விலங்குகள் நல கூட்டமைப்பு ‍ தமிழ் நாடு, புதுச்சேரி

பெறுநர்:

 

மாவட்ட ஆட்சியர் அவர்கள்
கடலூர் மாவட்டம்
தமிழ் நாடு.

 

வணக்கம்.

 

இந்த கூட்டமைப்பு வீட்டு விலங்குகள், காட்டு விலங்குகள், தெருவோரம் அநாதையாக வாழும் விலங்குகளின் நலன் மற்றும் உரிமைக‌ளுக்காக தமிழ்நாடு மற்றும் புதுச்சேரியில் செயல்பட்டு வருகின்றது.

பெஞ்சல் புயல் காரணமாக தென்பெண்ணை / கெடிலம் ஆற்று வெள்ளத்தில் மாடுகள் அடித்துச் செல்லப்பட்டு கடலில் உயிருக்கு ஐந்து நாட்களுக்கு போராடிய துயரச் செய்தி பத்திரிகை மற்றும் தொலைக்காட்சிகள் வாயிலாக அறியப்பட்டோம்.

 

# இச்செய்தி குறித்து மாவட்ட நிர்வாகம் இவ்உயிர்களை காப்பாற்ற எடுத்த நடவடிக்கைகள் என்ன .?

 

# மேலும் இது போன்ற பேரிடர்களில் இருந்து மனிதர்களை சார்ந்து வாழும் விலங்குகளை காப்பாற்ற என்னென்ன நடவடிக்கைகள் மாவட்ட நிர்வாகம் ஏற்படுத்தியுள்ளது .?

  

இது குறித்த வெள்ளை அறிக்கை மாவட்ட நிர்வாகம் பொதுமக்களுக்கு தெரியப்படுத்துமாறு கேட்டுக் கொள்கின்றோம்.

நன்றி.

                       இந்தப் பிரபஞ்சம் மனிதர்களுக்கானது மட்டுமல்ல,

அனைத்து ஜீவராசிகளுக்குமானது.

                                                                                    

விலங்குகளின் நலன் மற்றும் உரிமைகளுக்காக,

Hn.ஜெரால்டு                    Hn. அண்ணாதுரை -

தலைவர்                                     துணைத்தலைவர்

விலங்குகள் நல கூட்டமைப்பு ‍ தமிழ் நாடு ‍ - புதுச்சேரி

 

குறிப்பு:  ஊடகச் செய்திகள் இணைக்கப்பட்டுள்ளது.

 

 

 இரக்கமற்ற பாதிரியார்.

 

இன்று மாலை 7 மணிக்கு சென்னை பெசன்ட் நகர் தேவாலயத்திற்கு சென்றேன். எனக்கு கிடைத்த அனைத்து வாய்ப்புகளுக்கும் கடவுளுக்கு நன்றி கூறி வெளியே வந்தேன் .

 ஏறக்குறைய 200 பேர் கோயில்வளாகத்தில் இருந்தனர்.வீடில்லாத ஒரு நாய் கோயிலுக்கு வெளியே மனித‌ர்களோடு ஆழ்ந்து தூங்கிட்டிருந்தது.

கோயிலுக்கு வெளியே அந்த நாயை பார்த்து முறைத்துக்கொண்டு வெள்ளை அங்கியுடன் நடந்து சென்ற பாதிரியார் காவலாளியை அழைத்து அதை துரத்தச் சொன்னார் .

 70 வயது மதிக்கத்தக்க,  காவலாளிக்கு எந்த தகுதியும் இல்லாத அந்த கிழவன் ஒரு மரக்கட்டையை எடுத்துவந்து தூங்கிக்கொண்டிருந்த அந்த நாயின் நடு வயிற்றின் மீது தன்னால் முடிந்த பலத்துடன் அடித்தார். வலிதாங்காத அந்த நாய் அழுதுகொண்டே ஓடியது .

 இதை சற்றும் எதிர்பாராத நான் அந்த காவல் கிழவனிடம் கேட்டதற்கு " எனக்கு சம்பளம் தருப‌வர் என்ன சொன்னாரோ அதைத்தான் செய்தேன் என்றார்".

ஒரு கன்னத்தில் அடித்தால் மறு கன்னத்தையும் காட்டு என்று சொன்ன இயேசு பிரானின் போதனைகளை மக்களுக்கு போதிக்கும் இந்த பாதிரியார் சற்றும் இரக்கமற்றவர் . 

 

தெருவோரம் வாழும் வீடில்லாத அநாதை விலங்குகளை இரக்கமின்றி துன்புறுத்தும் இந்த பாதிரியாரை மன்னியுங்கள் இயேசுவே.

-Jerold

 

இயற்கை நலன்,விலங்குகளின் நலன் பேசுபவர்கள்

அதற்காக தங்களை அர்ப்பணிப்பவர்கள்

சமூக விரோதிகளா.? குற்றவாளிகளா.?

  

08.09.2024
Chennai
AWFTP-PR-647-F44
chairman.awftp@gmail.com
Helpline:  9 487 487 000

 

To

 The Chief Secretary,

Govt. of Tamil Nadu,

Secretariat, Chennai-600009.

உயிர்நேயம் முற்றிலுமாக குறைந்து வரும் இந்த தகவல் தொழில்நுட்ப யுகத்தில் விலங்குகள் நலனில் அக்கறையும், பரிவும் கொண்டு அவற்றின் நலன் மற்றும் உரிமைகளுக்காக தங்கள் வாழ்நாள்களின் பெரும் பகுதியையும், பெரும் பணத்தையும் செலவு செய்து வருபவர்களை குற்றவாளிகளாக சமூகத்தாலும், அரசு அதிகாரிகளாலும், ஊடகங்களாலும் சித்தரிக்கப்படுவதும், கொடுமைப் படுத்தப்படுவதும்  நாளுக்கு  நாள் அதிகரித்து வருகின்றது .

இந்த சமூகப் பிரச்சனையை நாம் கீழ்க்கண்ட கேள்வியில் இருந்து அணுக வேண்டும் .

 

1. தெருவோர அநாதை விலங்குகள் உருவாக யார் காரணம் ?

தெருவோர விலங்குகள் உருவாக முக்கிய காரணங்களில் ஒன்று விலங்குகள் நலன் பேசும்  போலி   NGO க்கள்.

2. தெருவோர நாய்கள் பிறப்பு கட்டுப்பாடுக்கு (Animal Birth Control)  ஒதுக்கப்பட்ட பணத்தை மாநகராட்சி முதல் பஞ்சாயத்து வரை எவ்வித முறைப்படுத்தலுமின்றி போலி கணக்குகளை எழுதி அரசை ஏமாற்றுவதும் தான் காரணம்.

தமிழ்நாட்டைப் பொறுத்தவரை ஏறக்குறைய அனைத்து கிராமங்களிலும் கால்நடை மருத்துவமனைகள்  உள்ளது.

ஆனால்  இந்த மருத்துவமனைகளில் தெருவோர  விலங்குகளின்  மருத்துவம் புறக்கணிக்கப்படுகின்றது. தடுப்பூசிகள் முறையாக கண்காணிக்கப்படாமல்  தனியாருக்கு  விற்கப்படுகின்றது.

பேரூராட்சிகளில் உள்ள  கருத்தடைக்காக பயன்படுத்தப்படும்  நாய்கள் பயண வாகனம் குப்பைகளை அள்ள பயன்படுத்தப்படுகின்றது .

பெரும்பாலான கிராம கால்நடை மருத்துவர்கள் தங்கள் மருத்துவமனைகளில் அரசு  நிர்ணயித்த  நேரத்தில்  இருப்பதில்லை.

இவ்வாறு அரசு திட்டங்கள் முறையாக விலங்குகளின் நலனுக்காக பயன்படுத்தாமல் இருக்கும் அரசு நிர்வாகமும், அரசு நிதியை பெற்று அதை குறைந்த அளவு கூட தெருவோர விலங்குகளின் நலனுக்கு பயன்படுத்தாத NGO-க்களும் தான் தெருவோர விலங்குகள் அதிகரிக்கவும் அவைகளின் உரிமைகள் மனிதர்களால்  பறிக்கப்படுவதற்கும், மனித-விலங்கு மோதல் உருவாவதற்கும்  முக்கிய  காரணம் .

-அரசு செய்ய வேண்டியது-

1. அனைத்து கிராம விலங்குகள் மருத்துவமனையையும் அதிரடி நடவடிக்கையின்  மூலம்  கண்காணிக்க  வேண்டும் .

2. அரசு நிதிபெற்ற NGO க்கள் முறைப்படுத்த வேண்டும். விலங்குகள் நலனுக்காக அரசு வழங்கிய நிதியை முறையாக பயன்படுத்தவில்லை என்றால் அப்பணத்தை திரும்ப பெற வேண்டும். முறைகேடு செய்த NGO-க்கள்  மீது பண மோசடி வழக்கு பதிவு  செய்து  இந்த மோசடி NGO -க்களின் பதிவை ரத்து செய்ய வேண்டும்

3. CSR (Corporate Social Responsibility) மூலம் விலங்குகளுக்கு  நிதி பெறும் NGO-க்களின் கணக்குகளை தணிக்கை செய்து முறைப்படுத்த  வேண்டும்.

இதை விட்டுவிட்டு விலங்குகளின் நலனுக்காக தங்களால் இயன்றவற்றை உதவுபவர்கள். சமூக விரோதிகளாகவும் குற்றவாளிகளாகவும் அவமானப்படுத்தப்படுவது  எந்த வகையிலும்  நியாயமாகாது. விலங்குகள் நல கூட்டமைப்பு   சார்பாக  இதை மிக  வேதனை யுடன்  பதிவு செய்கின்றோம்.

விலங்குகள் நல ஆர்வலர்களின் உணர்வுகளையும், பாதுகாப்பையும், விலங்குகளின் உரிமைகளையும்   அரசு உறுதிப்படுத்த வேண்டும்.

அரசு என்பது மனிதர்களுக்கானது மட்டுமல்ல. அனைத்து  உயிர்களுக்குமானது என்பதை  அரசு  அதிகாரிகள்  உணர வேண்டும்.

 

விலங்குகளின் நலன் மற்றும் உரிமைகளுக்காக,

                                                                       

Hn.ஜெரால்டு
தலைவர்                                    
விலங்குகள் நல கூட்டமைப்பு ‍ தமிழ் நாடு ‍ - புதுச்சேரி

 05.04.2024

Chennai

AWFTP-PR-201-M80

chairman.awftp@gmail.com

Helpline: 9 487 487 000

-   தேர்தல் கோரிக்கைகள் -

விலங்குகள் நல கூட்டமைப்பு ‍ தமிழ்நாடு‍, புதுச்சேரி

வணக்கம்.

எங்களது இந்த கூட்டமைப்பு வீட்டு விலங்குகள், காட்டு விலங்குகள், தெருவோரம் அநாதையாக வாழும் விலங்குகளின் நலன் மற்றும் உரிமைக‌ளுக்காக தமிழ்நாடு‍ மற்றும் புதுச்சேரியில் செயல்பட்டு வருகின்றது.

மனிதர்கள் தங்கள் உரிமைகளுக்காக குரல் கொடுக்க பல்வேறு அமைப்புகள் வைத்துள்ளார்கள். ஆனால் விலங்குகள் தங்கள் அவல நிலையை எடுத்துச் சொல்ல முடியுமா?

எனவே வருகின்ற பாராளுமன்ற தேர்தலில் எங்களது கூட்டமைப்பின் சார்பாக கீழ்கண்ட கோரிக்கைகளை முன் வைக்கின்றோம்.

வளர்ப்பு பிராணியான நாய்கள், குறிப்பாக பெண் நாய்கள் புறந்தள்ளப் படுகின்றன. இவைகள் தெருநாய்களாக மாறி கருத்தடையின்றி குழந்தை பெறுவதால் அநாதைகளாக எண்ணிக்கையில் பெருகிவருகின்றன.

இவைகளுக்கு தேவையான உணவு, குடிநீர், உறைவிடம், பாதுகாப்பு, மருத்துவம் இன்றி மனிதக் கொடுமைகளுக்கும், நோய்களுக்கும், விபத்துகளுக்கும் ஆளாகிவருகின்றன.

இதை தவிர்க்க மாநகராட்சி, நகராட்சி, பேரூராட்சிகள் தோறும் கருத்தடை மையங்களை (நாய், பூனை) அமைத்து விலங்குகள் நல ஆர்வலர்களின்/ அமைப்புகளின் கண்காணிப்பில் அரசு நடத்தவேண்டும். மாவட்டம் தோறும் உள்ள அரசு விலங்குகள் மருத்துவமனைகளில் உள்நோயாளிகள் பிரிவு ஏற்படுத்தப்பட வேண்டும்.

விபத்தில் அடிபட்ட/ ஊனமுற்ற/ வயதான‌ அநாதை விலங்குகளை பாதுகாக்க மாவட்டந்தோறும் போதிய வசதிகளுடன் கூடிய பாதுகாப்பு மையங்களை முறையாக உருவாக்க‌வேண்டும்.

பொது இடங்களில் தெருவோர அநாதை விலங்குகளுக்கான குடிநீர் தொட்டிகள் விலங்குகள் நல ஆர்வலர்களின் / அமைப்புகளின் கண்காணிப்பில் ஏற்படுத்தப்பட வேண்டும்.

இந்தியாவின் தேசிய பறவையான மயில்கள் இறகுகளுக்காகவும், விவசாய நிலங்களை அழிப்பதாக கூறி விசம் வைத்து கொல்லும் துயரச்சம்பவங்கள் பல இடங்களில் நடந்துவருகிறது. இதை தடுக்க மயில்கள் உள்ள பகுதிகளில் விழிப்புணர்வு மற்றும் பாதுகாப்பு குழு ஏற்படுத்தப்பட வேண்டும்.

விலங்குகள் விற்பனை செய்யும் கடைகளை தடை செய்து செல்லப் பிராணிகளாக வளர்க்கும் குருவி, வாத்து, நாய், பூனை, மீன், புறா, எலி போன்றவற்றின் பாதுகாப்பை உறுதி செய்யவேண்டும்.

அழிந்து வரும் பறவைகள், கழுதை, கோவேறு கழுதைகள் போன்றவற்றை பாதுகாக்க உரிய நடவடிக்கை எடுக்க வேண்டும்.

பஞ்சாயத்து, தாலூகா மற்றும் மாவட்ட அளவிலான விலங்குகள் நலச்சங்கங்கள் ஏற்படுத்தப் படவேண்டும்.

செயற்கையாக பால் அதிகம் சுரக்க ஊசி (oxytocin) போடும் பால் உற்பத்தியாளர்கள் மீது கடும் நடவடிக்கை எடுக்கப்பட வேண்டும்.

விலங்குகள் பாதுகாப்பு சட்டம் மற்றும் வன விலங்குகள் சட்டத்தை மீறுவோர் (PCA ACT 1960 , WPA 1972) மீது கடும் நடவடிக்கை எடுத்து அதை கண்காணிக்க மாநில அளவில் குழு ஏற்படுத்தப்பட வேண்டும்.

யானைகளை வைத்து பிச்சை எடுப்பதை தடுக்க வேண்டும்.

வன விலங்குகளுக்கான உணவு மற்றும் குடிநீர் ஆதாரங்கள் உறுதிப்படுத்தப்பட வேண்டும்.

அனைத்து விலங்குகள் மருத்துவமனைகளிலும் நோய் தடுப்பு ஊசிக‌ள் (Rabies, DHPPiL, Fvrcp) இருப்பதை உறுதி செய்ய வேண்டும்.

வளர்ப்பு பிராணிகள் கணெக்கெடுத்து முறைப்படுத்தி (Microchip,Database), அவைகள் அநாதைகளாக்கப்படுவது தடுக்கப்பட வேண்டும்.

அடுக்குமாடி குடியிருப்புகளில் செல்லப் பிராணிகள், பறவைகளுக்கு எதிராக இயற்றும் நிகழ்வுகள் தடுக்கப்பட்டு விலங்குகளின் உரிமைகள் பாதுகாக்கப்பட வேண்டும்.

வாழும் மற்றும் பொது இடங்களில் விலங்குகளுக்கு உணவளிப்பவர்களுக்கு உரிய பாதுகாப்பை உறுதிப்படுத்தப்பட வேண்டும் (article 51 ag of Indian constitution).

பள்ளி / கல்லூரி பாடத்திட்டங்களில் விலங்குகள் நலன் மற்றும் உரிமைகள் முக்கியப்படுத்தப்பட வேண்டும்.

 

 இந்தப் பிரபஞ்சம் மனிதர்களுக்கானது மட்டுமல்ல,

அனைத்து ஜீவராசிகளுக்குமானது என்பது உணரப்பட வேண்டும்.

நன்றி

******

விலங்குகளின் நலன் மற்றும் உரிமைகளுக்காக,

Hn. ஜெரால்டு - தலைவர்

Hn. அண்ணாதுரை - துணைத்தலைவர்

விலங்குகள் நல கூட்டமைப்பு ‍ தமிழ் நாடு ‍ - புதுச்சேரி